《Channel新聞》樂壇新人曾樂彤首張唱片今天面世 由網上KOL搖身一變成為今年樂壇新人的曾樂彤，今天推出首張個人EP《#meme》。EP名字《#meme》是網絡用語，除了有網絡爆紅事物的意思，還有另一種含義。曾樂彤表示：「碟名拆開讀就由兩個 “me”組成，暗喻我唔止得一個面向，可能之前我做YouTuber到宜家做幕前俾人感覺有落差，咁究竟邊一個先係我呢？其實無答案，可能兩個都係呢！至於封套輯相，就玩同一個造型用兩種截然不同的感覺呈現，有跳脫，有嚴肅，又有無厘頭，但無論咩風格都係我。」講到今年先後推出三首作品，年尾再加推處女EP，佢就分享了少少心底話：「其實三首作品曲風都好唔同，一路嘗試各種可能，而過程中當然收到唔少評語，唱功方面自己會繼續落苦功去進步，但無咁易俾人打擊到自信心。」 今次封套的攝影師同為90後少女，曾樂彤話之前已經好仰慕其大名，合作時毫無代溝，拍封套時亦不特別緊張，唯獨大部姿勢都需要瞓地，連汗都唔留多滴，怕水腫所以連水都唔敢飲，但辛苦係有回報，曾樂彤：「我自問對影相係有要求，今次輯相淨睇螢幕已經滿意到可以直接出，唔駛修圖超厲害！當然造型師同美指都好大功勞，平時日常生活好難妝扮得咁誇張，會俾人當傻婆，但作為封套造型就好有力。」 除了典型chok樣外，攝影師仲特意捕捉曾樂彤未入狀態前的呆滯或大笑look，加埋插畫之後，古怪的配搭竟然零違和，完全切合佢認真地搞笑的本質。當攝影師叫曾樂彤擺出自然的姿勢，無論著裙定著褲佢都毫無顧忌地擘腳，又或者單手做掌上壓，雖然教旁人摸不著頭腦，不過見她份外投入確實娛樂到一班工作人員，大讚佢除左識影靚相，還有本事駕馭「騎呢造型」。 曾樂彤又謂即使初入行都知唱片業不景氣，對於公司還會出資為自己出碟，心存感恩:「聽都聽得多實體碟市場不斷萎縮，但做一張唱片要投放嘅資源同心機真係好多，好多謝公司，作為人生其中一項履歷，我覺得好幸運。」問到她會否對銷量感壓力，她認為因為一張碟除了當作商品，亦算是2018年的小總結，本身已經有紀念價值，對比起銷量，反而更著重外界對專輯封套同第四首新歌《我我》的反應，始終下了不少苦功。問出碟後有任何大計，她立即笑到：「今年公司向我身上投資唔少，希望之後幫公司賺翻多啲呀！」 今天面世的《#meme》，EP內的文案由林若寧創作，從曾樂彤與這一代的年輕人出發，在「夢想」、「音樂」、「情緒」、「化妝」、「時尚」、「吃」，以及 「meme」這七個範疇內，道出一些有趣的想法；用簡單的文字，展露出年輕人的態度與性格。也許《#meme》不單是屬於曾樂彤的EP，更是專屬於那些愛作夢、青春單 純又調皮有趣的年輕人。碟內收錄三首派台歌: 《單身旅遊日誌》、《青春、戀愛和意外》、《永生花》，及今日派台的第四首作品《我我》。「meme」一詞由兩個「me」組成，中文直 接翻譯就是「我我」，歌所講的就是現在搞怪又「跳掣」的年輕人，別人或者覺得不解；但如果你明白的話，其實他們只是用有趣的方式又不在乎外間的看法表現自己而已。 編輯：安迪 =================== HONG KONG SINGER CHANNEL www.hksingerchannel.com www.facebook.com/hksingerchannel IG: hkscchannel #hongkongsingerchannel #hkscchannel #hksingerchannel #hongkongsinger #曾樂彤 #meme Tsang Lok Tung 曾樂彤
