唱作女歌手Cath黃妍的直播音樂會啊？最近Cath推出新歌《天光前》，以日劇熱血曲風來向樂迷傳達珍惜自己的愚勇，珍惜仍能勇往直前付出的感情。為配合新作，今天一早Cath就到黃埔海濱 NODI Coffee Mart 做直播，以歌聲為上班族打氣，還親手沖製她特別從台灣空運抵港的「天光前手沖咖啡」！
活動在早上七時開始，Cath 在兩位樂手 Mike 及 Raymond 伴奏下，先後唱出去年的派台的《遲起的鳥兒有蟲吃》、《牆身有裂》和《我心中尚未崩壞的部分》，接着便唱新歌《天光前》。
原來 Cath這次揀歌時都花了一番心思！她說：「特別揀《遲起的鳥兒有蟲吃》係因為大家今次唔可以遲起，因為要早起先可以嚟聽歌同飲咖啡，哈哈！《牆身有裂》係我同音樂人林易祺合作嘅第一首派台歌，今次《天光前》都係同佢合寫嘅，所以有放入song list。《天光前》係承接住《我心中尚未崩壞的地方》嘅意境，所以都會唱埋。」
Cath 更特地帶自己的「新歡」粉藍色電結他到場，不時讚結他「靚仔」！最後她還唱出魏如萱的作品《Have a nice day》，憑歌寄意祝 fans 和大家有美好一天。唱完歌後，Cath便開始派發咖啡！一向愛飲咖啡、對咖啡有研究的 Cath特別邀請了專業人士為她調配咖啡豆。
她說：「今次特登搵咗個相熟嘅台灣咖啡老師造豆，之前佢為住我首《偷時間的人》去造過咖啡豆，我試過個味好特別，由於今次首歌又係喺台灣寫，就諗住俾大家回味下台灣味道，所以請老師就住《天光前》做隻咖啡豆。我試飲過，非常好味！酸酸地，好似追夢好辛苦、有啲挫折嗰種感覺，但最後又有啲回甘，就好似你追夢時得到嘅滿足同快樂咁，所以真係好想大家都有機會試到。不過由於喺香港係限量，所以就只有叫大家早啲起身嚟，我沖俾大家飲。」
粉絲和途人紛紛排隊取咖啡，有不少更先聞過咖啡的香味才細嚐享受，也有趕返工的上班族就表示，會返到公司才慢慢歎這杯空運抵港的限量咖啡。Cath見到大家捧場也感開心，一講到咖啡，她就分享自己喜愛的口味：「我鍾意飲手沖咖啡，鍾意中淺焙嘅咖啡豆，有少少偏酸帶甜嘅咖啡味，因為咖啡豆其實同酒一樣，唔同產地去種植嘅咖啡豆，用唔同嘅方法去處理，出到嚟個味真係會唔一樣。」
談到《天光前》，Cath覺得天光給她新開始的感覺：「因為天黑嘅感覺好有一個人獨處、好孤單、好寂靜嘅感覺，但天光就好似成件事開明咗，尤其是當你見到天光嗰一下，個天好靚，心情都會變得好好！」
那Cath以往有試過等天光睇日出的經歷嗎？「我好少喺香港特登起身去睇日出，只係試過失眠時見到天光。不過有個幾難忘嘅睇日出經歷，當年我大學畢業旅行時，因為錢唔多，就同朋友去買通宵巴士車飛，由巴黎落南法，諗住用可以坐車嚟慳一晚住宿錢，點知架巴士比預定時間早咗到，我哋四、五點已到達，造就到我同個朋友坐喺巴士站度睇日出，等到天光再去住宿嘅地方，雖然要捱住凍睇，但個經歷係幾難得嘅。」
《天光前》Cath黃妍 - 晨光Live 演唱曲目
1. 遲起的鳥兒有蟲吃
2. 牆身有裂
3. 我心中尚未崩壞的部分
4. 天光前
5. Have a nice day
編輯：Andy
==========================
🎤HONG KONG SINGER CHANNEL🎤
💛讓每一個人唱出心聲💛Let Everyone Sing From Their Heart💛
Follow我哋👇🏻👇🏻🥰🥰
▶️Facebook: Hong Kong Singer Channel
▶️Youtube: hksingerchannel
▶️Website: www.hksingerchannel
▶️Instagram: hkscchannel
#hksingerchannel #hongkonsingerchannel #香港歌手 #hksinger #hksinging #hkscchannel #歌手 #hkig #天光前 #直播 #live #cathwong #黃妍 黃妍香港歌迷會cathwongfansclub