吳保錡@ERROR為新歌〈羅曼蒂克衰亡史〉MV再做兵
演精神病患者瘋狂FF甜蜜愛情 與女角演親密鏡頭變怕醜仔 ERROR成員吳保錡（Poki）作為今年新人，其個人作品〈猥瑣〉大獲好評，所以他繼續以同一班底，製作於今日推出的新作〈羅曼蒂克衰亡史〉，而MV中，Poki與女角的親密鏡頭更勝上回〈猥瑣〉，不過Poki笑指親密程度都不及跟隊友何啟華（Dee）在過去於電視節目中的Kiss鏡頭。 Poki這次乘勝追擊，繼續找來舒文監製、黃偉文（Wyman）填詞，炮製新作〈羅曼蒂克衰亡史〉，Poki道：「做完〈猥瑣〉之後，我同舒老板、花姐搵咗好多Demo，聽咗好多首都唔係好鍾意，後來聽到呢首歌我同花姐都喜歡，就揀咗Larry Wong呢首作品。上次搵咗Wyman寫，好希望佢繼續可以幫我，而佢又肯，所以非常感恩。」 這次Poki在MV中繼續做兵，但他同時也是一位精神病患者，不停有FF畫面出現！「我這位精神病人幻想好多愛情經歷，但全部都係幻想出嚟，最終女方係冇出現過。其實MV都係講緊做一隻兵，你可能會無私奉獻俾你鍾意嘅人，但佢身邊已經有一個佢鍾意嘅人，你永遠只能做佢後備。好多嘢都係我哋呢啲兵自己幻想出嚟，好美好，但都只係虛構。」 講得做兵，當然要有女角，今次Poki親自找來YouTuber 雪瑤參與MV演出，難道想再一次自肥？Poki說：「上次搵咗Heidi（李靜儀），今次想搵新啲嘅面口，睇下會唔會做到新嘅感覺，想俾人睇到不論MV或唱功都有全新感覺。喺熊仔頭個show見到雪瑤嘅表現、佢嘅樣，我覺得佢適合個MV，就邀請佢返嚟。」 雖說是為粉絲帶來新鮮感，但做得兵，在充滿美感的畫面上都不乏親密鏡頭，MV其中一幕說到Poki幻想與所愛的人嘴咀，想不到親密程度令他變得十分怕醜，表現尷尬。Poki回想起道：「未試過演呢啲戲，今次係冇kiss到，只係扮kiss，不過咁近都有少少緊張。過去我只奉獻過俾阿Dee，我最叻同男人Kiss！同異性係未試過，所以喺鏡頭前咁多人喺度，有少少驚同拘謹。」 除了女主角，今次Poki MV也有隊友肥仔的加持，拍攝MV當日他特地前來探班，更二話不說幫忙做幕後，在Poki拍攝雨景一幕幫忙噴水壺，不過見肥仔起勢狂噴十分開心，似玩多過幫忙呢！不過兩兄弟自然冇計啦！
========================== 🎤
HONG KONG SINGER CHANNEL🎤 💛
讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#Poki#羅曼蒂克衰亡史