Nowhere Boys麥花臣開騷 下周四TG粉絲優先訂票 寰亞音樂五人男子樂隊Nowhere Boys，將於7月23日在旺角麥花臣場館，舉行「Nowhere Boys “Know Where to Go” 音樂會 2022」，日前他們IG直播公布喜訊。下周四（23日）早上十時，Telegram(TG)「Nowhere Boys & Girls 」會員享有優先訂票。 每次Nowhere Boys開騷，都會設定特別主題與觀眾互動，上次主題「選擇」，邊唱邊由觀場即場投選接下來唱的歌，非常有趣。鼓手Nate表示今次主題「太空旅行」，邀請觀眾穿旅行裝，鍵琴手漁佬說：「渡假feel？」Van笑說：「唔得，咁講Nate會著沙灘裝，我驚佢踢拖上台！大家要full gear，森林旅行裝，認真啲玩！」低音結他手 Hansun笑說：「可以帶埋行李箱，裝備齊全。」 除了設定Dress Code，Van透露今次開騷會加強舞台設計，他說：「好開心，我哋一直都好想喺麥花臣開騷，等咗好多年。而且今次演唱會比以往upgrade好多，包括會有一個好大嘅Video Wall，多咗好多視覺效果，多謝公司。」漁佬笑說：「過往我哋幾個人喺個台上走嚟走去，好似小型舞台劇，今次畫面上會更豐富。」每次開騷，結他控Kenneth都會帶幾支珍藏上台，上次出動絕世結他，他透露今次開騷考慮向朋友借出價值七位數的古董結他，其他成員聞言，立即笑言要交換樂器表演。 ========================== HONG KONG SINGER CHANNEL 💛唱出心聲💛活出生趣💛音樂｜生活｜電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#nowhereboys#香港歌手
top of page
bottom of page