MC 張天賦 X 衛蘭 Janice｜心亂如麻 X 小心地滑｜Channel音樂
昨晚Janice 衛蘭完成了一年三場的《BE STILL LIVE 2022》紅館演唱會，之前有消息透露，尾唱嘉賓是MC！網上即有人才猜究竟是哪個MC，是MC張天賦、MC $oHo & KidNey，還是MC Jin？ 昨晚終於揭盅了，是Janice的師弟MC張天賦！二人除了合唱Janice的《心亂如麻》，MC還獨唱了近期熱爆的《小心地滑》，現場演繹唱功一流、技驚四座，贏得全場掌聲！ MC坦言自己好緊張，又話在綵排時高層跟他說：「Janice預備咗一啲好特別問題問你！」但公司沒有一個人肯跟他講是什麼問題，搞到他非常擔心。Janice開心笑道：「你想知呀？哈哈…我發現咗一樣嘢呀，我同你有一個共通點，就係成日都比人喺超市影到呀，哈哈….真係喎，點解嘅？」MC尷尬說：「我都唔知喎... 喂呀，唔識答呀，我點答呀！哈哈哈….」 台上MC講到，Jancie 其實帶給他很多童年回憶，他小學時已聽Janice的歌：「大家記唔記以前有部摺機電話，嗰時有得上網嘅，我又鍾意聽歌，然後我記得第一、二首我畀錢買嘅歌就係你嘅《離家出走》，嗰陣時好貴呀，一首歌要20蚊。除咗買首歌收錢、聽又收錢，以嗰時16蚊碗魚蛋粉的世界，我個個月係收到一張800蚊嘅電話費單，最後俾老竇毒打咗一鑊，呢啲就係叫為音樂而犧牲囉！所以做到你嘉賓係好開心！」 全場歡呼拍掌大笑，但鬼妹仔Janice唔知聽唔聽得明，唔識俾反應，所以就笑住一直叫MC「不如你唱歌啦！」全場大笑！ 來到尾場，觀眾超級熱情，整晚歡呼不斷，全場大合唱、安歌再安歌！最後完場時紅館已經播出近十次請各位觀眾離開的廣播，但仍有大半場觀眾不肯離開，一直狂叫安歌，終於Janice被熱情打動，單獨跑回台上，清唱多一首歌，歌迷才依依不捨散去。 Janice騷後接受訪問時表示，這次開演唱會很開心，因為每場歌迷都很熱情。她表示：「以為星期一晚大家會趕着回家，第日要返工，冇諗過佢地唔肯走。」今次演唱會Janice說最開心是個Rundown，裡面全部是自己想同大家分享的歌：「我唔想做返以前做過嘅嘢，想搵個平衡，有啲新嘅突破。身為歌手都要有自己諗法同訊息分享，感恩公司畀好多自由我去做。」 今次演唱會見Janice fit了好多，Jancie話其實自己都係keep住運動，磅數沒有落太多，但d衫就鬆曬，線條結實了！但減肥期間，Janice搞出了一個小笑話：「我唔食咁多澱粉質，所以就食南瓜囉，又好食、又飽、又唔會太肥嘛！但食得太多，成個人變左黃色！我睇下隻手黃曬....公司有同事見我突然間咁黃，驚我係咪肝病，叫我睇醫生囉....哈哈。依家完騷啦，我最想食雪條！又想食薯片呀，買定架啦，返屋企有得食。」 開得三場這麼少，Jancie會唔會開Part 2？Jancie說：「休息下先啦！好想走tour呀，世界各地好多歌迷都問我，幾時來唱，我都好想呀。希望疫情愈來愈好，就可以巡迴啦。」 講到Sherman鍾舒漫因在台上分享時間過長，被網民指「騎劫」她的演唱會。Janice即護友說：「係我叫佢分享….可能佢分享時候太激動，同好多情緒，冇顧到時間，但真係唔關佢事，我都叫佢唔好介意，I feel bad，而Sherman都明白嘅。」她亦坦言事後有安慰Sherman唔好介意。 編輯： Andy ========================== HONG KONG SINGER CHANNEL 💛唱出心聲💛活出生趣💛音樂｜生活｜電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#衛蘭#mc#mc張天賦#張天賦 MC 張天賦 ZOOÉ - 賦二代 賦二代 Support Mc Janice Vidal 衛蘭 Janice Forum 衛蘭論壇 Janice Vidal Planetary 衛蘭天地