《Channel音樂》草蜢演唱會尾場感謝師傅梅艷芳❤️蔡一傑失聲急就醫台上流下男兒淚😭

《Channel音樂》草蜢演唱會尾場感謝師傅梅艷芳❤️蔡一傑失聲急就醫台上流下男兒淚😭 成軍37年的草蜢在紅館一連四場的《RE：GRASSHOPPER 草蜢演唱會2022》，昨晚來到壓軸一場，圈中有不少友好前來支持，包括軟硬天師兩位靈魂人物林海峰及葛民輝，原來十年前的今天，草蜢和軟硬在紅館合體舉行《草蜢森巴大戰軟硬Fan演唱會》，對他們來說，這個晚上特別有紀念價值。此外，前來紅館捧場的星級觀眾還有曾志偉、谷德昭、伍詠薇、林德信、關心妍、鮑起靜、方平、江美儀、DJ小儀、陳淑芬等。 來到尾場，草蜢出盡百二分力氣載歌載舞，現場觀眾的尖叫聲震懾紅館每一個角落。當中有超過一百分鐘的連場勁歌熱舞，三子依然愈唱愈起勁！每每響起經典金曲的前奏，觀眾都會報以熱烈掌聲；尤其是在蔡一傑獨唱《失樂園》時，萬人紅館大合唱，場面教人感動！ 其後草蜢在台上感謝整個演唱會幕後團隊付出期間，蔡一智有感而發說：「我哋仲要多謝一個人，就係我哋嘅師傅，梅艷芳小姐，我知佢今晚有嚟睇，我哋三個每次開演唱會，都係送俾佢，我哋唔會忘本，一定要做到最好，唔可以失禮我哋師傅。」 為了樂迷、為了師傅，三子雖然做足一百分準備，但演唱會來到尾聲，蔡一傑突然感觸哽咽道出開騷前突然失聲的經過，他說：「剛才黃昏六點左右，我失咗聲，然後我入咗醫院，我好驚，好驚唱唔到⋯⋯我一路好緊張，即刻打給我醫生，我話我開唔到聲，我好驚，跟住我即刻入醫院打針，變返嚟（聲線）見你哋，我一定要唱到為止，我開番聲嘞，多謝醫生，多謝歌迷俾我嘅力量，多謝你哋一直支持草蜢。」此時，傑仔已忍不住流下男兒淚，最後與好拍擋蘇志威、哥哥蔡一智，一起合唱《我們》，為一連四場的《RE：GRASSHOPPER 草蜢演唱會2022》完美落幕。 完騷後，草蜢表示外於舞台批文問題，無辦法再加場，三子坦言唱四場根本「唔夠喉」，蔡一智更豪言待會回到家中，要跑步「放電」，他亦講得出、做得到，凌晨兩點半拍下影片分享到社交網站說：「剛剛開完四場演唱會，返到屋企、落完妝，好似唔係好夠喉，即刻出嚟再跑（步）過，希望今次睇咗我哋演唱會嘅觀眾朋友，收到草蜢嘅心意，『RE』，將自己提升到2.0，以後面對任何困難，我哋都會繼續衝過去，堅持到一日，一定會變得更好，如果今次大家好似我咁樣，睇完演唱會唔夠喉，希望我哋好快可以喺紅館開Part Two，到時約定大家，不見不散，繼續向前衝，Yeah！」 ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkongsingerchannel#香港歌手#hksinger#hksinging 草蜢 Grasshopper HK 蔡一傑 Love Grasshopper 愛草蜢