top of page
Search

《Channel音樂》Edan推出電影主題曲《攀上天梯的螞蟻》親自分享感受❤️⭐️⭐️


《Channel音樂》Edan推出電影主題曲《攀上天梯的螞蟻》親自分享感受❤️⭐️⭐️ 由新晉導演曾慶宏執導,毛舜筠、謝君豪、呂爵安(Edan @ MIRROR)、談善言、袁澧林(Angela)、盧瀚霆(Anson Lo @ MIRROR)及梁祖堯等主演的家庭題材新片《過時‧過節》將於11月24日上映,本週末起推出口碑優先場。電影主題曲《攀上天梯的螞蟻》昨晚正式發佈,歌曲由蔡德才作曲及監製,楊兩全作詞及呂爵安主唱。 《攀上天梯的螞蟻》官方MV昨晚在Youtube首播,上架不足12小時便登上YouTube熱門影片第八位。MV由導演曾慶宏親自操刀,當中Edan以多個造型參與演出,分別在三個不同時空中摸索與屋企人的相處之道,更以難得一見的鋼琴王子造型示人,絕對是導演在演出上又一次給予Edan的挑戰。 MV拍攝當天,老友鬼鬼的導演曾慶宏與Edan表現輕鬆。原來二人事前為每個鏡頭已作充分溝通,Edan拍攝時都全神貫注進入導演所需狀態。這個MV對新導演曾慶宏尤其意義重大:「今次拍呢個MV好特別,因為係自己嘅戲,又係我哋嘅電影主題曲,其實今次都相當難拍,大家細心啲睇,其實有三個時空,呢個人又係Edan、又係Edan嘅分身、又係阿陽,幾個人物諗緊嘅其實都係一致嘅,希望令到觀眾對電影有更多想像力,Edan亦好信任呢件事。好開心搵嚟一個110年嘅古琴,好配合電影嘅氣質。」 MV中由頭帶到尾的Edan表示只帶着一份信任來拍攝:「我喺電影入面飾演導演本人,因為電影係改編自導演Eric屋企嘅故事,尤其知道咗MV係由Eric親自操刀就更加放心,因為佢拍嘅一定係最準確,所以我完全信任同投入。」 被問到是否要重新進入片中「阿陽」這個角色,Edan坦言:「呢首歌就係阿陽嘅心聲,亦都係代表全家人嘅心底話,我睇詞同唱嘅時候都會見到好多家庭嘅問題喺入面,相信大家聽完都會有共鳴,好似第一句『傾偈一秒鐘都激到暴斃』,你對住屋企人傾計,有可能一句已經覺得好嬲同好煩。我喺演釋嘅時候都投入返阿陽呢個角色嘅情緒去唱,同埋我好鍾意首歌用咗「螞蟻」去做比喻,不過點解就要留返大家入戲院感受!」 身旁的導演曾慶宏則補充:「MV中呈現嘅VR眼鏡同屋企人溝通係好重要嘅物件,希望大家睇電影之前可以記住呢個元素,可以了解到呢個仔點解需要用到副VR眼鏡先可以表達到自己嘅真實感受。」 這次參演《過時·過節》,Edan除了與導演曾慶宏結緣,也因為獻唱主題曲,遇上兩位音樂人前輩。Edan指:「呢首歌係蔡德才先生作歌同監製,我哋今次第一次合作,我覺得呢首慢歌同其他歌好唔同,有一種完全唔一樣嘅感覺。其實都唔容易唱,都錄咗三次,不過我好Enjoy成個過程,同埋睇完試片,更加覺得首歌同電影係好配合。」 導演曾慶宏則透露觀眾亦有機會在欣賞電影時,再次聽到這首歌曲,他指:「呢首主題曲會喺電影入面一個好重要嘅位置出現。我好想Edan唱一來係想佢用阿仔嘅角度,二來都係唱出全家人嘅心情,帶出全家人喺溝通上面對嘅困難,然後了解到點解呢家人會面對戲入面呢件事。特別多謝填詞人袁兩半先生睇完電影,再為我哋寫咗呢首詞,大家會發掘到每一句都係埋藏住電影入面嘅蛛絲馬跡,可以濃縮喺幾分鐘入面再提鍊成部電影嘅人同事,係前輩嘅功力!」 對於下星期能夠在首映禮的大銀幕欣賞到自己演出,Edan倍感期待:「呢個角色比大家嘅感覺會同之前好唔同,不過我覺得演員就係要展現自己唔同嘅面向,阿陽某啲面向其實同Edan都係一樣,只係好少會將呢一面放喺大家面前,的而且確有難度,因為起初唔知應該點做,所以事前做咗好多功夫,導演、毛姐同兩位監製幫咗我好多,雖然係好難,不過完成咗呢個挑戰係好有滿足感。」 導演曾慶宏則大爆,其實事前也擔心一向陽光的Edan在演出上會感吃力:「喜劇演員其實都可以係悲劇人物,佢能夠令人笑,可能係因為佢喺生活中觀察到一啲荒謬嘅事,所以我哋透過溝通,能夠勾返起Edan呢啲心入面嘅感受,去放喺角色入面。我同Edan兩個新人係一齊刻服呢啲困難,無論係演繹上、咬字上、一齊不停複習,經過努力去呈現而家大家見到嘅效果。」 《過時·過節》由安樂影片發行,講述八年前一場「混亂冬至飯局」發生後,串連出事件之中各個家庭成員,從不同的角度引發出的矛盾,而家中眾人為一頓齊齊整整的冬至飯傷盡腦筋。 ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkongsingerchannel#香港歌手#hksinger#hksinging#攀上天梯的螞蟻#mirror#edanlui#edan#呂爵安 過時·過節 Hong Kong Family Edan Lui 呂爵安 Edan呂爵安(mirror)Facebook fanclub Edan呂爵安(MIRROR)大馬 Facebook Fanclub Edan Lui 呂爵安後援團 Edan Lui 呂爵安美國加拿大爵屎討論區 Edan Lui USA Fan Club 呂爵安美國後援會 EDAN LUI 呂爵安澳門後援會 EDAN LUI Macau Fanclub MIRROR Mirror & Error 粉絲後援會 Mirror.Error.FanClub HK mirror fans Mirror HK fans🌠We are one and all Mirror Hong Kong Fan Club MIRROR Fans Club Mirror Malaysia Fans 馬來西亞鏡粉 Mirror HK Mama Fans Club(非官方)

2 views0 comments
bottom of page