《Channel音樂》Dear Jane首次開戶外演唱會😎誓要「Rock到你唔信」！

《Channel音樂》Dear Jane首次開戶外演唱會😎誓要「Rock到你唔信」！🔥🔥🔥🔥 繼續Show過不完！這次到Dear Jane啦！去年他們的紅館Show，小編有幸成為座上客，這次四子更首次挑戰戶外場地，還誓要「Rock到你唔信」！演唱會取名「What’s Happening」，就是想直截了當地問候好久沒有出戶外玩的樂迷！ Dear Jane日前拍攝宣傳海報，用了很多時間化了個前所未有的勁妝，搖滾與感性放埋一齊，想帶出今次音樂會有以往樂迷極愛的 Dear Jane，更有大家前所未見過的 Dear Jane！當中將會有非常非常之搖滾的音樂部份，搖滾到你唔信，大家一定要入場一齊興奮地搖滾啦！ 為了化海報上的妝容，Dear Jane當天足足化了近三個鐘，四人邊化邊笑，異口同聲道：「真係未試過咁化，諗下諗下今次個妝應該都算係化得最Rock最爆嘅一次，哈哈！」Nice平時好少化眼線，所以佢話今次都幾唔習慣同有少少辛苦；Jackal化完妝望鏡，見到自己個咀直情嚇咗一嚇，O哂嘴！Tim 就即場剃了半邊面鬍鬚，做返半暗黑半企理效果，自己都覺得癲！ 戶外演唱會一直都屬於樂隊，因為氣氛會比室內場好百倍。Dear Jane一直都希望擁有自己的戶外演唱會，終夢想成真！談到外國樂隊的演唱會，再激、再勁的情節也出現過。Dear Jane又想做到什麼？ Jackal分享 : 「我見有啲戶外嘅show試過掉大型嘅波波落去觀眾度，『插水』式咁跳落觀眾度 。假如可以的話，我真係好想試下，不過疫情關係，雖然我地已經係0+3，都係要小心防疫規則，雖然疫情進入左平台期，但都要謹守防疫規則，保持適當社交距離，哈哈....插水我估要等下次，疫情過左先可以試。掉波波呢，就會同演唱會監製同公司研究下，係咪可以發生，大家期待下！」 Tim 就話： 「我見過外國騷台上嘅表演者會用啲水槍對台下嘅觀眾『吱吱吱』，如果可以我想試吓用我枝咪變水槍咁樣『吱』大家！哈哈。」 Howie 也表示： 「 我見過有啲樂團開show個結他真係會噴火㗎！如果我枝結他噴火，真係正呀。」Nice補充：「噴火我都想睇下，或者演唱會入面可以放下煙花.....」最後四人異口同聲表示，「 What’s Happening？ 到時見！」 【AXA 安盛呈獻：Dear Jane What’s Happening Live 2022】 日期：2022年11月18-20日 時間：8:15pm 地點：AXA x WONDERLAND | 安盛 x 竹翠公園 地址：西九文化區苗圃公園 票價：HK$980、HK$680、HK$480 恒生Mastercard信用卡客戶優先訂票 優先訂票日期：2022年10月17日(上午11時) 至10月19日 (晚上11時59分) Mastercard 持卡人專享Mastercard Priceless Box貴賓包廂, 密切留意https://www.priceless.com探索更專屬體驗。 公開發售 發售日期: 2022年10月25日 上午11時 使用Mastercard 搶飛，更可享免HK$22手續費優惠。 訂票渠道：TIX-GET-GO.KKTIX.CC 編輯：Andy ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#dearjane Dear Jane Dear Jane 小隊