Search

《Channel新歌快遞》陳詠謙父子兵上陣齊賺奶粉錢


新一代填詞人陳詠謙愛寫又愛唱,今年還決心做一個「打工仔系列」的Project,唱作多首反映香港打工仔心聲的寫實作品。繼之前的《放工未》後,近日又推出新歌《飲啦小氣》作為續集。上集講到陳詠謙筆下的慘情打工仔Frankie Mok被逼加班,大喊「放工未」。今次終於等到老細講拜拜,收工萬歲,不過人生豈會如此簡單!寫完返工之苦,陳詠謙再寫到Frankie Mok捱到放工後那一段「不太Happy的Happy Hour」。不Happy是因為想起債務纏身、才華用盡、老婆嚴重病態黐身。唯有同死黨酒吧盡飲,是發洩是逃避也是吊頸都要抖下氣! 這次陳詠謙找來死黨兼作曲人齊樂平及2018新人洪嘉豪一起寫曲,歌曲節奏輕快,加上王雙駿兼任編監,襯托陳詠謙愁爆貼地的抵死歌詞,聽著猶如置身酒吧,面對已經三張幾的Frankie Mok由他瘋狂吐苦水,雖然怨言連連但依然有種熱鬧的感覺。不過更大賣點是歌曲MV,因為有陳詠謙的親兒子Woo Woo粉墨登場,表達為賺奶粉錢而捱著打工,但見到小寶貝笑容又會覺得無得計。螢幕新星Woo Woo交足戲,不停甜笑更餵爸爸陳詠謙吃零食。陳詠謙還笑言與仔仔父子同心一起賺奶粉錢! 除了寶貝仔,陳詠謙更找來一班死黨音樂人客串Happy Hour一幕,包括周柏豪、Dear Jane、林奕匡、JW、洪嘉豪、DJ細So、監製周錫漢展現一鏡到底的Happy Hour盡興場面。阿謙對各位抽空參演感到非常感激,更謂:「如果他日有幸開作品展,這班死黨就會是我希望能邀請到席上的表演嘉賓。」 作曲:陳詠謙 / 洪嘉豪 / 齊樂平 填詞:陳詠謙 編曲:王雙駿 監製:王雙駿 灰到盡我飲 最近愁雲密佈 女人香欠奉 外型未算討好 新一輩 嫌我老 見到呢個額頭越嚟越少毛 慘到裂我飲 繼續財神未到 有好多債務 煩住寶寶 誰為我好 鋪條路 途上有座駕令我自豪 要食貴住貴又唔使供樓交租 哎呀呀呀 死黨你唔准死 哎呀呀呀 永遠辛苦你 做到隻狗 試屎的新口味 神要你跪女人玻璃 哎呀呀呀 死黨你唔好死 哎呀呀呀 你個仔點搵你 抱負成就算啦 全部空歡喜 人最重要係夠錢返屋企 飲啦小氣 瘀到爛我飲 發現才華用晒 仲要吹咁大 技窮係我底牌 搞生意 唔夠快 買咗股票蝕埋蝕埋問點解 衰到極我飲 老婆嚴重病態 最好黐到實 唔係就攤牌 同事個胸 不能大 成日對住炸藥博命捱 猛夾我鬧我又唔肯寬衣解帶 哎呀呀呀 死黨你唔准死 哎呀呀呀 永遠辛苦你 做到隻狗 試屎的新口味 神要你跪女人玻璃 哎呀呀呀 死黨你唔好死 哎呀呀呀 你個仔點搵你 有夢無夢算啦 全部三張幾 人最重要係記得返屋企 飲啦小氣 Ungugu你飲 Bebe食奶 你個好老竇 未拜拜 飲飲晒 才暢快 我會等你第時 學飲酒 再同你講點解 編輯:安迪 ========================== HONG KONG SINGER CHANNEL www.hksingerchannel.com www.facebook.com/hksingerchannel IG: hkscchannel #陳詠謙 #飲啦小氣 #周柏豪 #dearjane #林奕匡 #JW #洪嘉豪 #DJ細So #周錫漢 陳詠謙 Chan Wing Him 陳詠謙 Chan Wing Him Warner Music Hong Kong 

#陳詠謙

57 views
© Hong Kong Singer Channel 2015