《Katch呈獻：Music From Home 許廷鏗 X 吳林峰音樂會》
《Channel音樂》許廷鏗與吳林峰攜手開Show搵埋「鄰居」岑寧兒一齊玩！
又一對歌手齊齊開Show！許廷鏗與吳林峰剛剛宣佈聯手舉行音樂會，將於11月18日在灣仔會展上演「Music From Home 許廷鏗 X 吳林峰音樂會」。二人情如兩兄弟，這次演唱會就以「家」為主題，更邀請到「鄰居」岑寧兒擔任嘉賓。三位實力歌手破天荒聚頭，相信在10月13日門票公開發售當天，將會掀起一輪撲飛熱潮！
Alfred與吳林峰雖然在不同時期出道，但幾年前因音樂相遇，由網友變成同台開騷的兄弟。對於這段「Bromance」緣份，他們覺得非常奇妙。吳林峰重提當年得知Alfred在直播中點名提到自己，興奮得膽粗粗在Instagram私訊對方：「我當時真係好開心，佢仲讚我唱歌好聽。之後就咁樣開始傾偈，當時我好迷惘，佢畀咗好多鼓勵同方向我。」
Alfred坦言初次在網上看到吳林峰街頭Busking的片段時，彷彿看到初出道的自己：「我對佢嘅表演好有印象，諗起啱啱入行嘅我，好自由自在，想唱咩就唱咩，唔使有任何商業考量。」自此兩人不時都會約出來交流音樂，在音樂路上互相扶持，關係猶
