ANSONBEAN首支跳舞單曲《CRUSH（oh no!）》，公司「Cool Style」除落重本製作MV，加入不少CG畫面，更為ANSONBEAN舉行MV首播會。獲公司器重，「豆粉們」同樣有福利，為了讓粉絲睇清楚偶像的精湛舞技，早前公司決定「加碼」拍攝《CRUSH（oh no!）》dances version特別版，可謂不惜工本。 「因為《CRUSH（oh no!）》嘅MV裡面有太多情節，所以公司想拍一個dances version，等大家可以睇清楚成隻舞。其實要跳成晚，唔係太辛苦，反而中間休息時間，我仲要攞條橡筋帶出嚟練肌肉，無非想俾人感覺大隻啲。」 一直努力操肌的ANSONBEAN，除了努力上健身房，更加入不同類型的運動，改善身體線條。 「以前我一個星期做三日gym，而家會一星期操五、六日，另外我又會去玩攀石、游水、打網球、滑浪，純粹想做多啲運動，好玩得嚟又大隻啲，想著背心嘅時候可以挺啲、橫啲。」 當日MV在晚間拍攝，有工作人員「萬歲」請食pizza，但ANSONBEAN卻不為所動，整晚只不停飲水。 「我唔食嘢唔係怕肥，係驚生暗瘡影響皮膚，所以要戒甜戒煎炸食物，以前我都鍾意食炸雞，可以一次過食三件，又鍾意食芝士蛋糕，但而家掂都唔敢掂。」 工作排山倒海，廣告代言又一個接一個，問ANSONBEAN是否變相無時間追女，怕醜的他說：「係...係呀！冇時間追女仔呀，不過我啲MV全部都已經係女友視覺，所以我唔使追！」 ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel ▶️MEWE: https://mewe.com/p/hongkongsingerchannel#hksingerchannel#hongkonsingerchannel#香港歌手#hksinger#hksinging#hkscchannel#歌手#hkig
top of page
bottom of page