top of page
Search

Anson Lo盧瀚霆|新歌揭開自己初戀故事💔一切發生在永順街39號😭點解故事中有隻小狗?⭐️⭐️|Channel音樂


Anson Lo新歌揭開自己初戀故事💔一切發生在永順街39號😭點解故事中有隻小狗?⭐️⭐️ 今年MIRROR的Anson Lo盧瀚霆推出過澎湃的《Mr. Stranger》及《King Kong》後,第三首派台歌風格一轉,帶來由徐浩作曲、黃偉文填詞的慢板情歌《永順街39號》。永順街39號是什麼地址?原來是Anson Lo當年就讀的小學 – 位於荃灣的天主教石鐘山紀念小學。以此做歌名,全因為「教主」的初戀是在小六時發生的。這是一首很個人的作品,Anson希望透過歌曲分享這段Puppy Love,也罕有地表達他對愛情的遺憾與初衷。 Anson表示:「講愛情,大家都可以relate到,因為大家都會有愛戀嘅經歷,唔一定係相戀,亦可以係暗戀,但不論係點樣嘅經歷,會有好或壞嘅遺憾,都會係非常刻骨銘心,即使相隔多年後,依然唔會忘記。」Anson Lo灌錄這歌時,腦海裡不斷出現與初戀情人在一起的畫面。未知聽著Anson Lo的演繹,大家又會否憶起自己的初戀故事? 繼去年的《不可愛教主》後,Anson第二次邀得Hanna陳漢娜合作拍MV。上一次是女追男的故事,這次卻來個劇情大逆轉,變成Hanna狠飛教主!Anson解釋:「今次係特登想搵返Hana,因為感覺似係《不可愛教主》第二個時空之下嘅戀愛故事。」《永順街39號》的MV講述Hanna是Anson的初戀情人,但女方提出分手後,男方決定照顧他們曾一起養的小狗。「我最後決定都係養嘅,因為照顧隻狗仔嘅劇情,代表我雖然冇咗呢個情人,但佢永遠會留喺我心底裡面,仍然擁有呢段回憶,會好珍惜呢段回憶。」 跟小朋友或動物合作演戲,向來是高難度挑戰!這次Anson Lo遇上貴婦狗忌廉,當中有不少互動場口。乖口的忌廉,就連Anson Lo都大讚他得意!Anson Lo說:「忌廉比我想像中合作,其實好多狗仔怕生保,但佢任摸唔嬲,想同佢Kiss佢又肯。拍攝時只係第一次見佢,已經好叻仔,而且一直都相處得好地地,但唔知點解,有一個場口係講我見到佢不停舔我時,我想摸返佢,有比較Close嘅互動,去表達我開始接受佢,但一Roll機,我遞隻手埋去,佢就突然退後,又或者突然有好震驚嘅反應,冇跟劇本而逃避我,我完全唔知點解,不過佢盡咗力喇!」 歌曲MV:https://www.youtube.com/watch?v=iqFi-... 編輯:Andy ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkongsingerchannel#香港歌手#hksinger#hksinging#永順街39號#ansonlo#盧瀚霆#mirror#陳漢娜 Hanna Chan 陳漢娜 AnsonLohonting International Fan Club 盧瀚霆國際後援會 Anson Lo Anson Lo盧瀚霆國際後援會(馬來西亞) Anson Lo盧瀚霆國際後援會(新加坡) Anson Lo 盧瀚霆國際後援會(紐西蘭) Anson Lo盧瀚霆國際後援會(英國) Anson Lo 盧瀚霆國際後援會(美國) MIRROR HK mirror fans Mirror HK fans🌠We are one and all Mirror & Error 粉絲後援會 Mirror.Error.FansClub Mirror Hong Kong Fan Club MIRROR Fans Club Mirror Malaysia Fans 馬來西亞鏡粉 Mirror HK Mama Fans Club(非官方)

15 views0 comments
bottom of page