鄭俊弘在加拿大時間三月十二日晚上，完成了自己的 「愛回加演唱會」，也是他在溫哥華的首次個人演唱會。Fred 表示：「Vancouver 係自己 hometown，返去開 show 係自己一直以來嘅願望，好開心今次終於達成願望，之前以為自己會好緊張，但返到來之後感覺 relax，見到好多家人朋友好開心。」 Fred 為今次演唱會一手一腳揀歌及編排 rundown，演出也是用當地樂隊的，全部都是第一次合作。由於綵排時間有限，Fred初時都會擔心，不過完成第一節綵排後已經安心好多。「好多謝主辦單位的配合，可以 full band 形式演出，今次隊 band 有華人亦有外籍人，有時大家唔記得只用廣東話溝通搞出了笑話，佢地全部都讀音樂學院的，水準好犀利，搞到自己都好想返去讀音樂。」 今次Fred邀請了兩位舅父上台與他jam 歌，他自小受他們影響彈 bass 、彈結他，愛上音樂甚至打功夫，所以非常合拍又有火花。「兩個舅父表演好正，今次好彩有佢哋，綵排嘅時候自己嘅儀器出現問題，都係有佢哋幫手。」後來他又邀請表姐上台獻唱，還大談二人在溫哥華一齊成長的日子。 演唱會中段 Fred 到台下握手：「見到全場爆滿，一路行見到好多好親切嘅面孔，有學功夫嘅師傅師母同好多師兄弟，仲有自己同學、朋友同家人，好感動。」上台後他忍不住流下男兒淚。 今次演出反應好好，大會希望明年可以再邀請他他其他不同城市開演唱會，例如多倫多、拉斯維加斯等。「有很多大明星都曾經石溫哥華河石大劇院開 show，好榮幸得到佢哋邀請，而且知道佢地都好滿意，好興奮呀！自己就好 enjoy 個 show，希望大家都睇得開心。」 休息幾天之後，下站就是紐約：「紐約嘅 show 形式會有啲唔同，應該會係一啲比較簡潔親近觀眾嘅感覺，會用返當地嘅樂隊，再與唔同嘅音樂人交流，我自己都好期待。」 編輯：安迪 #鄭俊弘 鄭俊弘 Fred Cheng 鄭俊弘 鄭俊弘 鄭俊弘Fred Cheng's page 『愛弘小天地』 鄭俊弘 Fred Cheng 星夢娛樂集團 The Voice Entertainment Group