.png)
方皓玟LOST n FOUND演唱會｜尾場精彩片段 感動｜Channel新聞
《楚撚記大排檔呈獻 方皓玟LOST n FOUND演唱會》昨晚在紅磡香港體育館舉行尾場，「小明」方皓玟唱出經典大熱作品時，全場一起大合唱，觀眾熱情打動小明上台Encore。完騷後她更透露為個唱多次突破自己，包括成功克服畏高！ 小明表示：「我有畏高，今次舞台有好多升降台，但為咗個騷，就算企喺升降台上，真係會忘我地唱歌。另外，跳Contemp當代舞我又未試過去演繹一啲角色，跳舞加埋唱歌，要穩定地唱歌及表達到當中嘅訊息，我覺得好好玩。因為挑戰自己，有啲新鮮嘅嘢俾大家睇，係我想做到。」 個唱來到尾場，當小明的經典作品《你是你本身的傳奇》和《假使世界原來不像你預期》音樂前奏響起，粉絲已主動開啟電話閃光燈揮動，台上熒光幕播放着現場觀眾的臉孔時，大家見狀都投入打招呼，彷如回應著小明，自豪地高呼「你是你本身的傳奇」，場面感人。小明事後表示：「自己唱呢兩首歌時，我覺得呢部份好有香港嘅氣味，好似共度咗一段時間之後大家互相認識，好似大家都有共同嘅回憶，亦都係互相支持對方，所以整個氣氛都好warm。雖然嗰度冇特別嘅舞蹈，但係呢部份嘅感動就係嚟自己大家有共同嘅感受，所以變咗大家一齊互相支持的時候，我自己都被感動。」 小明昨晚完騷後再度上台Encore，直言是受到觀眾熱烈反應打動，決定加碼獻唱報答歌迷，更連續唱了《如果想我哭》、《無人像你》及《Life Is So Beautiful》三首歌。最後，她邀請所有演出單位包括RubberBand、林家謙、章尾而和樂隊成員一同鞠躬謝幕，演唱會便在一片熱烈掌聲下圓滿結束。