終於正式公佈啦!MC 張天賦將會在2023年1月20日至22日初登紅館,舉行一連三場《保誠保險呈獻This is MC》演唱會!今次Citibank為大會指定信用卡,成功申請信用卡就有機會得到演唱會門票,密切留意相關資訊。演唱會門票將於12月20日在城市售票網公開發售。 人生第一張個人演唱會海報,MC直言concept來自父親生前最喜歡的一套電影「教父」。他分享:「教父成日都會有隻貓跟住佢,所以今次就引用咗佢呢個concept,請咗隻貓嚟同我一齊影海報,形象上都有少少以教父為reference致敬。」 今次參予演出的兩隻貓,是擁有「貴族貓咪」之稱的俄羅斯藍貓(Russian Blue)。其中名為「虎虎」的一歲貓貓,更曾在比賽中得過冠軍。另外一隻半歲的叫「叮叮」,本來當後備,想不到最後叮叮跑出,因性格更平易近人,代替了哥哥虎虎很多出鏡位置。 MC 本身沒有養貓,初見貓貓雖然不是很害怕,但也擔心控制不到貓咪,也不知會否引發敏感:「一直都似係貓敏感,所以想養都唔敢養。不過今次又好彩喎,好順利,影咁耐冇鼻敏感或者其他敏感嘅症狀出現。貓貓主人教我點同佢地相處,所以好快時間內就已經得到想要個張相,個過程都幾得意同好玩。」 紅館三場演唱會,問到MC有什麼期待?他坦言心情興奮:「唯一擔心嘅地方,係第一次自己搞一個咁大型嘅show,狀態、體力等問題,但係都期待嘅、興奮嘅、緊張嘅。」目前他已開始籌備演唱會:「希望繼上一次演唱會跳完舞之後,今次都一樣可以跳到舞,帶多啲驚喜俾大家,同埋希望增加自彈自唱玩樂器嘅環節,其他唔講咁多住,入場睇。」 只得三場,外間有不少反對聲音,覺得太少,MC笑道:「我真係唔知呀,所有都係等公司安排,希望大家都可以買到飛啦。如果場地安排到可以加場,當然希望可以加場啦。」 保誠保險呈獻This is MC演唱會 演唱會 日期:2023年1月20-22日 (3場) 地點 : 香港紅磡體育館 公開發售日期:20/12/2022 票價: HK$1080/ $880/ $680 / $480 網址 :https://ticket.urbtix.hk/internet/ ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkongsingerchannel#香港歌手#hksinger#hksinging#hkscchannel#hkig#MC張天賦#MC#紅館#ThisisMC MC 張天賦 ZOOÉ - 賦二代 賦二代 Support Mc
top of page
bottom of page
Comments