Kaho x MC Frenemy Live 2022 演唱會

洪嘉豪與MC張天賦這對音樂孖寶一連三場的「Frenemy Live 2022」演唱會，昨晚在九展Star Hall展開，一票難求，座無虛席，觀眾反應非常熱烈！單是歌迷應緩物件，就已經塞滿Star 場外，Star Hall變了打卡遊樂場，MC及KAHO亦作出新嘗試，除了有多場勁歌熱舞，更互唱對方的歌曲，使歌迷耳目一新，滿足到無法形容！ 演唱會一開場二人就送上勁歌熱舞，一口氣唱了全新跳唱作品《觸電》及《二損一》，觀眾High到飛起。然後二人喘著氣向觀眾笑道：「嘩，收貨啦？呢個開場！係咪值回票價先？」觀眾歡呼不斷！MC開心笑住說： 「噚晚綵排都冇咁喘，真心有觀眾係到真係喘D！不過我覺得自己都好似幾有跳舞天份？係咪？」觀眾即大叫：「係呀！好正！」KAHO又即問歌迷：「我都唔弱係咪？」連隨獲得不少掌聲。 接著兩人在台上拿出粒大骰仔，MC笑住話：「剛剛唱完兩隻歌，依家二選一！睇下邊個獨唱先！我地用『殘酷骰仔』決定邊個唱先！經過昨晚綵排發現，跳完兩隻舞再即唱Solo，其實好辛苦，所以我地大家都唔想唱先囉...哈哈！」KAHO問觀眾：「你地想邊個唱先？」有觀眾大叫 MC ，最後KAHO擇骰擇中自己，MC即開心到幾乎彈上天。 KAHO獨唱了《主角光環》、《24/7戀人》及《半天空檔》後，接著到MC Solo，一口氣唱了《Good Time》、《時侯不早》及最近熱爆的《老派約會之必要》。 這晚兩人分別帶新歌送給歌迷，MC唱了《乾》，KAHO則唱了新歌《還原淚》兩人又合唱了陳奕迅的《最佳損友》，MC憑歌寄意叫歌迷珍惜友情親情，不要待失去才後悔。來到演唱會最後部分，兩人再來一輪勁歌熱舞後，MC笑住話最衰排舞時冇拍下making of ，否則真係應該比大家看看當時的KAHO。 看看他們的妙語連珠！ MC：最初排舞，佢不停投訴........ KAHO係喎，人生黑面黑到爆....... MC：係呀，差 d 我就發脾氣添....哈哈！ KAHO：其實我地真係好俾心機，呢次唔係叫『郁』，真係叫跳...... MC：所以大家應該睇到我地付出左好多第一次！ 觀眾掌聲歡呼雷動！MC又話自己為個騷減肥最少減了4kg，又話一出現場觀眾即大叫他「除衫！」，搞到佢尷尬傻笑耍手話：「未得啦，未到呢個位....哈哈....！」祝兩位未來兩晚繼續Good Show！ 編輯：Andy ========================== HONG KONG SINGER CHANNEL 💛唱出心聲💛活出生趣💛音樂｜生活｜電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#frenemy#mc#mc張天賦#張天賦#kaho#洪家豪 Hung KAHO 洪嘉豪 MC 張天賦 ZOOÉ - 賦二代 賦二代 Support Mc