Search

Ben趙祥誠新歌接力登場❤️師姐黃淑蔓助攻⭐️⭐️唱盡遊戲動漫角色|Channel音樂


《Channel音樂》Ben趙祥誠新歌接力登場❤️師姐黃淑蔓助攻⭐️⭐️唱盡遊戲動漫角色⚡️⚡️ 折骨舞王Ben趙祥誠日前推出第二首派台新歌《我在每個宇宙都》,歌詞加入了很多手機遊戲和動漫角色,有趣體驗由錄音開始!Ben表示:「過往錄歌,是等到作曲、填詞完成後才入錄音室跟住唱,但這次全個團隊齊集錄音室,一邊錄一邊加入創作,好好玩!例如歌詞中提及『村民』,我之前玩隻Game叫『Minecraft』,當中有『村民』角色,佢哋只會發出『呀呀呀』聲,於是監製就叫我扮呢啲聲配合呢段歌詞。填詞人雷暐樂亦在場,即興修改歌詞,令到份詞更有趣更好玩,原來錄音可以咁樣錄,對我嚟講係好新嘅體驗。我自問無呢個才能,即興諗到啱音又啱Feel又押韻嘅詞,佢真係好犀利。」 Ben希望藉著新歌有趣的歌詞,發放簡單又快樂的正能量:「歌詞中好多虛擬角色,例如『Luffy』,我會幻想係海賊王路飛。仲有『薯仔天神』、『北斗』、『魔獸』呢啲詞,都可刺激大家想像空間,諗到好多細個先會諗到嘅嘢,呢個世界就係需要呢啲好純粹、好開心嘅能量。」Ben錄音時他亦發揮創意玩反串:「Demo本身有把女仔聲,錄音時我參考IU和Jay Park合作嘅新歌,試吓唱出嗰種女神feel,點知結果唱咗個『觀音版』!」原來監製早已邀請了Ben的師姐Feanna黃淑蔓出「口」相助,featuring女聲部份。 Ben笑說:「好彩有Feanna幫手唱女聲部份,監製保持神秘,我都係今日嚟拍MV先至第一次聽,好好聽!唔知將來有冇機會畀大家聽到我唱嘅女聲版,笑死人!」歌名叫《我在每個宇宙都》,Ben估計自己在每個宇宙都「跳舞」。果然今次MV中,Ben走到大街小巷都會跳舞,就算被蚊針到手腫又遇上狂風大雨,他仍落力跳,非常認真和專業! 為配合天馬行空的歌詞,MV中還出現了很多手機遊戲和動漫角色,Ben一口氣換了12套衫穿梭不同宇宙,配合這群從電腦跑出來的CG嘉賓。不過狂換衫未算大挑戰,拍外景遇上更突然下大雨,臨時撐著雨傘在街上又跑又跳,鏡頭內外都緊張刺激。Ben說:「我第一次一天之內換咁多衫,就算之前拍廣告或舞台劇都未試過,好好玩,每次換衫都好似入咗嗰個世界演唔同角色。」 歌曲MV:https://www.youtube.com/watch?v=riSlG... 編輯:Andy ========================== HONG KONG SINGER CHANNEL 💛唱出心聲💛活出生趣💛音樂|生活|電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#我在每個宇宙都#Ben#趙祥誠#黃淑蔓 Feanna黃淑蔓 軟骨Benny

0 views0 comments