top of page
Search

ANSONBEAN新歌RISE❤️ 健身、武打、勁舞挑戰極限|Channel音樂


《Channel音樂》ANSONBEAN新歌RISE❤️ 健身、武打、勁舞挑戰極限⭐️⭐️ 平日跳跳紮無時停的ANSONBEAN(陳毅燊),最近為拍新歌《RISE》MV連踩26小時,由日出開始熱身運動、體能訓揀、器械操肌、打拳、武術、九節鞭!至第二天日出時開始拍跳舞部份,精力旺盛的ANSONBEAN都投晒降,導演嗌cut收工,他即攰到跪地上。體力透支但他非常滿意:「呢首歌就係要挑戰不可能!」 新歌MV中ANSONBEAN為友報仇,苦練武術,潛入敵方將壞人打到落花流水,鏡頭前結實肌肉,身手敏捷,鏡頭外他操練了很長時間。他分享:「呢首歌《RISE》歌詞講『挑戰不可能』,我細個有學武術,亦好鍾意睇動作片,所以我想將武術加入MV,其實我自問未完全ready ,諗住練多啲到暑假先拍,不過就係想『挑戰不可能』無人會知幾時係完全ready,唔好諗咁多,將呢刻真實呈現畀大家睇。」 早上七時開工,ANSONBEAN提早起床在家裏做運動熱身兼去水腫。他說:「諗住上鏡靚仔啲,喺屋企早啲起身做workout去水腫,點知去到拍攝現場要影我操練,拍咗四個鐘,到下午我開始暈陀陀,狀態比較差,我趁轉景布置時瞓咗一陣。」急叉半小時後回復狀態,不過最使他醒神是吊威也。他又說:「本來個人渾渾噩噩,但吊威也一戚住條底褲位,嘩,醒晒!」全日體能挑戰後,他笑言由早上大隻仔,收工時已變成細隻仔。 連場打鬥,最困難是土地問題!他說:「練習九節鞭要好大空間,唔可以喺屋企練,好驚揈傷人和打爛燈,嚟到拍攝場地才夠大夠高空間,可以盡情練習。而另一個難度係拍對打戲,有一個動作我用手撳地起腳翻筋斗同時踢倒一個人,力度要掌握得好好,太細力翻唔到筋斗,太大力又會踢傷人,NG咗幾次。」轉眼天光了,開始拍攝跳舞部份,ANSONBEAN與十位舞蹈老師配合不同角度和燈光氣氛,重覆跳十幾遍,直至導演嗌「cut收工」,長達26小時拍攝終於結束,ANSONBEAN體力透支跪在地上喘氣。 歌曲MV:https://youtu.be/xq8YDKQ_pWk  ========================== HONG KONG SINGER CHANNEL 💛唱出心聲💛活出生趣💛音樂|生活|電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#ansonbean#rise ANSONBEAN ansonbean.hkfc

4 views0 comments

Yorumlar


bottom of page