Search

Anson Lo盧瀚霆❤️解構KING KONG背後超勁班底⭐️⭐️|歌手專訪|Channel音樂


Anson Lo盧瀚霆❤️解構KING KONG背後超勁班底⭐️⭐️|歌手專訪|Channel音樂


Anson Lo❤️解構KING KONG背後超勁班底⭐️⭐️ MIRROR成員盧瀚霆(Anson Lo)在新歌《King Kong》中作出了不少新嘗試,由音樂製作到MV拍攝都帶來驚喜,即使拍攝期間搞到全身傷痕纍纍也在所不惜! 《King Kong》繼續由Edward Chan 監製、Oscar Li 填詞,但作曲則找來外國多位音樂人Willie Weeks、Ninos Hanna、Jonna Hall合譜旋律,幾位音樂人的來頭不小,其中格林美音樂大獎得主Ninos Hanna曾為Chris Brown、Will Smith、NCT 127及KAT-TUN等作歌,Willie Weeks亦為BTS、Super Junior、太陽@Big Bang寫過無數作品。 不過,外國音樂人的創作方式與風格都跟Anson Lo以往的作品有不同,他分享:「今次音樂風格採取唔同元素,因為今次唔只有黑暗感覺,我仲特登同Edward講想加入多啲電子元素,所以大家聽到電子結他、 Band Sound常用樂器喺歌曲裡面。」 歌詞方面,亦因應旋律的特性而變得猶如急口令!Anson說:「因為收到返嚟英文Demo,譬如本身歌詞係I just wanna know,咁『Wanna』一隻字就要用返兩個中文字,歌詞就變得密密麻麻,呢個情況係基於語言上嘅分別,但我一定會盡力唱好啲,幾密都要唱得清晰。」 話雖如此,這次Edward卻沒有要求Anson Lo字正腔圓去演繹。Anson解釋道:「因為想營造落寞、荒島氛圍,而歌曲本身聽落去都似去咗一個宏偉、壯大嘅廢墟或者荒廢咗嘅城市,所以用比較沙啞嘅聲線去唱,襯返首歌嘅感覺。」 在過去的作品中,Anson Lo都會挑戰複雜的舞步,但今次跟Rock Sir溝通後,卻選擇了大手大腳清晰的步法。Anson說:「我哋諗舞步時會諗King Kong形象係咩?應該會有不同嘅動作,甚至係打自己心口。我哋就將呢啲元素擺入歌裡面,大家睇多幾次就發現好多手部動作做主導,同用前臂比較多。」 雖說舞步較以往的歌曲簡單,但由於動作幅度大,在拍MV時反而增加了難度,Anson Lo說:「MV裡面有一件衫有銀色扣披住,係Stylist團隊將逐個拉鍊扣針埋一齊形成個披,因為好多唔同金屬扣拼埋一齊變得好重,一郁感覺就似做Gym舉鐵,比起排舞室著Tee跳會難好多,加上扣與扣之間有細扣Fix死,但拍MV時細扣鬆開或叉開,會刮到我啲肉。」 Anson表示,不少神徒(Anson Lo Fans)見他在社交平台出Post時,都眼利見他有疤痕,其實都是拍MV刮傷的。在兩天的拍攝中,Anson Lo亦真的有受傷,不過他表示只是小意思。Anson Lo回憶道:「其中搭升降機一幕,製作團隊做咗一個生銹鐵籠,因為上面好多生銹物料,我要對嘴拍Mood Shot,唔能夠就住,否則唔夠有型,所以就會一嘢揩落去、摸落去,最終搞到隻手𠝹到爆血,感覺似一把刀𠝹開,但只係皮外傷,唔係好痛。」 Anson又指,每次做歌到拍MV都想有不同的感覺,今次《King Kong》可算是心願達成,做到有氣勢、有神秘感,更有壯觀畫面,是自己計劃之中想做的事,他感謝團隊很團結去完成這次製作,亦希望大家會喜歡《King Kong》。


歌曲MV:https://youtu.be/VPhieoNkiec


編輯: Andy


==========================

HONG KONG SINGER CHANNEL 💛唱出心聲💛活出生趣💛音樂|生活|電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#ansonlo#盧瀚霆#mirror#kingkong Anson Lo AnsonLohonting International Fan Club 盧瀚霆國際後援會 Anson Lo 盧瀚霆國際後援會(澳洲) Anson Lo 盧瀚霆國際後援會(美國) Anson Lo 盧瀚霆 Sontosweare AnsonLo盧瀚霆馬來西亞後援會 MIRROR Mirror & Error 粉絲後援會 Mirror.Error.FansClub Mirror Hong Kong Fan Club MIRROR Fans Club

8 views0 comments