Search

【Channel直擊】Kary月尾再出新歌 生日獲無價禮物感動落淚


婚後小休、暫別樂壇兩年的Kary吳雨霏,今年將復出再戰樂壇,本月尾將會有新廣東歌派台面世,下半年更會在江間、佛山、東莞、深圳及廣州開Show。不過Kary最掛念香港粉絲,日前的生日會中更喜獲歌迷的感動禮物!當天半百粉絲一早已到達場地預備和佈置,有歌迷花了十小時親手做了一個生日蛋糕送給Kary,誠意可嘉。

可愛粉絲們更高聲朗讀對她的愛的宣言:「我請在場粉絲見證,我地Fans club願意認你為我地既唯一女神。從今以後,無論你日後點樣發展,無論你係29+1、39+1、定係99+1,小粉絲們表示會永遠愛護你!人生路上我地會一直默默支持你,我地永遠都係你既後盾,你既第三個家。如果有一日你累了,遇上唔如意既事,唔好忘記我地一直都會係你身邊陪伴你,同你渡過每一個難關。你願唔願意日後一齊努力同我地走過每一天?」Kary一邊聽一邊笑著流淚,有位男粉絲更做代表送上大顆「戒指」以表誠意,Kary感受到歌迷的不離不棄,告訴自己要加倍努力,在音樂事業上尋求突破。期待月尾她的新作!

編輯:安迪


4 views
© Hong Kong Singer Channel 2015