容祖兒《我好得閒》MV幕後製作絕密內容，真正女主角曝光； 凌晨三點出發拍攝狂Run 25小時，阿Sa得戚喊我好得閒； 挑戰韓式舞蹈大耍太極，獨樂樂不如眾樂樂，搵埋阿Sa連同工作人員街頭練舞!

日前，容祖兒為新歌我好得閒遠赴韓國，找來李基白導演(曾為Girl’s Generation、Trouble Maker、Beast、2AM拍攝MV) 率領製作團隊拍MV。首度同韓國班底合作，祖兒表示未出發先興奮呀!而臨出發祖兒竟然係機場遇上蔡卓妍(阿Sa) ，點解嘅?阿Sa好坦白咁話：『因為我好得閒，所以就要 “痴trip”去啦 !』；祖兒即附和：『其實你先係真正MV女主角!』。就係咁，兩位自稱 “我好得閒” 的美女同一行工作人員登上客機，向韓國進發，展開是次唔慌得閒之旅!

精於設計旅遊行程的阿Sa今次可以休息下，因為是次拍攝得到Expedia智遊網 贊助，一站式為祖兒及工作人員安排航班及酒店，配搭出大家合心水的組合，絕對稱得上做Good Deal。而令祖兒感到滿意的酒店地點旺中帶靜，除了有獨特文化及藝術氣息，還要商店林立，這一點好重要，因為令祖兒有所領悟:『原來Shopping真係能醫百病架!買完野無哂頭痛，全身都鬆哂。』相當搞笑! 正當祖兒購物完喊話:『仲有七個鍾就開始拍攝! 』阿Sa就好得戚回到話：『我唔駛架，我好得閒!』結果祖兒同工作人員出發到片場之際，竟然撞到阿Sa返酒店，即場被工作人員笑她成為首位不用到片場的MV女主角。

今次新歌，祖兒答得最多次的問題大概是: 『大忙人容祖兒，點解你會唱我好得閒架? 』三天行程祖兒爭取了半日去購物，拍MV外其餘時間則用於舞蹈綵排。MV內大家看到的舞蹈，是特意邀請韓國排舞師Solmi Lee度身編排，開拍前一個月先來香港與袓兒、舞蹈員會面及集訓，勤力的祖兒來到韓國亦不停練習，而要投入舞蹈的竅門全靠當自己耍太極，動作慢之餘要催眠自己好性感，不過被一眾同事望到實難免感到尷尬，唯有大玩“我睇你唔到、我睇你唔到”戲碼。綵排後，袓兒忽發奇想要同大家再練過，地點就由排舞室移師到馬路，興之所至練一次自然唔夠喉，一於搵埋阿Sa到街頭再練幾次，絕對稱得上 “獨樂樂不如眾樂樂”。

而MV中多個有趣效果的處理手法，韓國製作團隊拍攝實況亦一一收錄其中，大家萬勿錯過! 容祖兒 Joey Yung《我好得閒 Available》[MV花絮] YouTube link: https://youtu.be/sL5zzv67VVU YouKu link: http://v.youku.com/v_show/id_XMTQ4NzUwMjY1Mg==.html