top of page
Search

193拉謝安琪、張繼聰、黃偉文聯手做新歌《越州公路193》😎邀鄭裕玲客串MV ❤️無以為報欲推腳傷姜濤上門作客⭐️⭐️


《Channel音樂》193拉謝安琪、張繼聰、黃偉文聯手做新歌《越州公路193》😎邀鄭裕玲客串MV ❤️無以為報欲推腳傷姜濤上門作客⭐️⭐️ 郭嘉駿@ERROR(193)推出過兩首情歌後,第三首個人單曲《越州公路193》是特別送給他至愛的Fans,答謝大家一直以來的支持。MV亦特意找來回復自由身的鄭裕玲(Do姐)客串,噱頭十足! 193一直想做首歌送給Fans,但卻不想老土地畫公仔畫出腸,所以《越州公路193》便找來謝安琪監製、張繼聰作曲、黃偉文填詞,唱出一個人移民外地,但靠聽廣東歌去Support自己尋夢的故事。193分享:「歌詞裡提及聽廣東歌,係比喻啲Fans一直支持我,一直聽廣東歌呢種堅持,先令我可以行到今日,甚至終於可以同Do姐拍嘢,知我咩料啦!」 沒錯!貫徹MV要有女主角,但歌曲卻是送給Fans,所以193便想:「MV一係冇女主角,一係就要搵個好勁嘅女主角。」結果他便誠邀Do姐為MV客串。「MV裡面有出現過四個地方,包括台灣、加拿大、倫敦及香港,當中需要一個好高貴嘅角色。我心目中最高貴嘅就係Do姐,所以諗住碰下運氣,問下又唔使錢,點知佢一口答應咗。之前唔夠膽問,係怕有好多合約上嘅問題,所以都費事問,免得面懵懵被拒絕。」 為展現Do姐高貴的一面,193不但找專人設計Do姐在MV中的造型,再配以閃亮鑽飾,並出動私人古董車,將它改頭換面變成的士。193道:「一直覺得Do姐的氣質好襯倫敦,同埋佢成日喺電台節目講英國皇室嘢,所以有Do姐呢個似係英國皇室,但去葬禮嘅造型。」看到193種種心思,當事人Do姐不諱言道:「我有理由相信你係暗戀我嘅,我無以為報喇!所以你問我可唔可以客串,我怕咗你喇,所以就客串了。」 193得逞後,仍得一想二,問Do姐除了客串MV,還可不可以有更多的答謝。Do姐卻投訴193道:「仲想點?我冇客串過MV,仲以為有好多對手戲,點知係冇乜,仲諗住測試下你嘅演技!」193聽罷即說:「你有冇睇《季前賽》,我直情係ViuTV黎耀祥,攞晒影帝嗰啲嚟㗎!」Do姐聽到即笑住繼續投訴,道:《季前賽》俾咗個咁重嘅角色你,都做得好好 ,但今次我同你嘅合作戲份就少咗啲。」 193立即解釋:「搵到你客串已經好好,唔夠膽要你咁操勞,同埋我驚多戲份Do姐會拒絕我,所以我一直氹住Do姐,好快!嚟1、2個鐘就可以。不如下次你做女主角,我哋打車輪!」Do姐也真的被193氣壞,沒好氣道:「所以我咪話你暗戀我囉!」反應快的193即道:「我呢啲係明戀啦!做到咁足!」 這次Do姐客串MV,未有收取任何酬勞,只求拍得夠靚,193也認真表示不知能怎樣報答對方,Do姐便表示:「家家有求,第時有嘢要你幫忙,就搵你幫手。」193指就算為Do姐打掃屋企都OK,因為他聽說Do姐屋企很大,很想參觀一下,他更誇下海口:「最多約埋姜濤一齊嚟。姜濤而家整傷隻腳,我可以幫手推輪椅。」Do姐聽到即笑逐顏開,更說:「好喎!無任歡迎,ERROR其他3個可以唔要了!」 其實除了Do姐,193亦找來30名Fans參與演出。講起Fans們,193也眼濕濕起來:「呢個MV唔係好見到佢哋個樣,但我唔想搵臨記客串,意境、意義上大於一切。呢30位Fans係最早跟我嘅,所以就叫佢哋嚟幫手,佢哋唔出樣,但大家心領就OK。」 歌曲MV:https://www.youtube.com/watch?v=eqUYF... 編輯:Andy ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkongsingerchannel#香港歌手#hksinger#hksinging#hkscchannel#hkig#越州公路193#郭嘉駿#193#error#謝安琪#張繼聰#黃偉文#鄭裕玲#姜濤 ERROR ERROR 宇宙天團 Fans Club 郭嘉駿 Denis Kwok 193 郭嘉駿 Denis Kwok 193@Error Global Universe Fangroup 郭嘉駿Denis Kwok 193@Error台灣非官方應援團 DoDo 鄭裕玲 DoDo 鄭裕玲 Love鄭裕玲 愛DoDo 謝安琪 Kay Tse 張繼聰 Louis Cheung 黃偉文 Wyman Wong

10 views0 comments
bottom of page