Search

黃明德 Dark|《只想和你吃漢堡》 首拍MV親密戲勁尷尬 黃明德播歌搞喊女主角|Channel音樂


黃明德 Dark|《只想和你吃漢堡》首拍MV親密戲勁尷尬 黃明德播歌搞喊女主角|Channel音樂


早前,創作新人黃明德(Dark)推出其第三首個人作品《只想和你吃漢堡》,MV今昨日(26日)正式上架。繼《留班同學》、《沒有穿校服的日子》後,以自身「中學生」身份借「漢堡」唱出年輕人的愛情。 新歌找來Cousin Fung作曲、編曲,填詞則繼續由林若寧操刀,當中一句歌詞令Dark非常有感,「年輕太好就憑著愛勇敢挑戰父母只要和你要好」Dark憶述錄音時的情景,「第一、二次錄音係笑住咁唱,一邊唱一邊起雞皮。去到第三次錄音,監製Cousin Fung比較詳盡地解釋最後一段嘅歌詞,即使我們有著年輕嘅本錢同任性,但當現實問題出現時,我哋都係需要妥協。嗰次錄音,我個心係嗡住咁唱。」相比起成年人的愛情,年輕人的愛比較簡單、純粹,為了對方可以不惜一切,但這種青蔥,跟漢堡一樣,都是有嘗味期限的,「所以現階段嘅愛情,喺問題未發生之前,就應該要好好珍惜。」 MV方面,雖然Dark之前已推出兩首作品,但MV是全動畫製作,來到第三首歌曲,Dark才首現真身參與拍攝。Dark自言拍攝前一晚已十分緊張,更為拍攝做足準備,「我前一晚飲少啲水、飲齋啡、敷mask,盡量令自己啲皮膚好啲,唔會太腫。」除此之外,亦因為跟女主角Rainie有「親密」接觸,令Dark既緊張又尷尬,「因為我好少同異性有咁嘅接觸,除咗我自己,佢都好尷尬。記得有一下要我哋頭貼頭,即係放煙花嗰一幕,佢聽到導演話要頭貼頭嘅時候,都『嘩』咗出嚟,哈哈,我就話:『唔好意思呀,要你咁辛苦貼住我個頭……』但最後我哋都完成咗。」拍攝尾聲,Rainie需要演繹一幕「喊戲」,正當她醞釀情緒時,Dark便拿出電話播放自己歌曲《只想和你吃漢堡》,Rainy聽到後隨即爆喊,Dark頓時大嚇一跳,十分搞笑。 Dark又謂覺得拍MV比想像中好玩,因為他以為自己會NG很多次,「因為我啲戲真係好屎,好少演戲,好驚成日NG,會拖慢進度,就會自己俾自己壓力。但係可能佢哋都知我啲戲屎,所以安排俾我嘅劇情都比較簡單去控制,好多情感嘅嘢都交俾女主角去發揮,我就比較少啲演戲上嘅要求。」 ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#黃明德#DarkWong#只想和你吃漢堡 Dark Wong 黃明德 英皇娛樂 EEG

3 views0 comments