Search

雲浩影Cloud|半夜商場拍MV 器材連環失靈 Cloud哀求:我淨係想順利收工!|Channel音樂


雲浩影Cloud|半夜商場拍MV 器材連環失靈 Cloud哀求:我淨係想順利收工!|Channel音樂

樂壇新人Cloud雲浩影,早前以多個可愛造型拍攝新歌《到了那裏就對吧》MV。拍到凌晨時份,轉到一個舊式商場內取景,店舖都已關門關燈,商場本身的燈光亦非常昏暗,氣氛相當迷離!不僅如此,拍攝期間器材連環短暫失靈,燈光亦無故又關又開,即使現場沒有空調,教人不寒而慄。工作人員大叫「唔好意思,我哋好快拍完架啦」,燈光立即回復正常。事後Cloud坦言當時埋位時自言自語「我淨係想順利收工」,結果順利完成,鬆一口氣。 Cloud為了全心發展歌手夢,辭去OL工作,之前第一首主打歌《願望之翼》,她憑歌寄寓自己勿忘初心,為夢想飛得更高更遠。而今次新歌《到了那裏就對吧》不但是Cloud是心聲,同時她亦藉著歌曲,鼓勵迷失的年輕人,要相信自己,不要為迎合別人而改變。她說:「呢首歌嘅歌詞,對象係對一啲有思想有諗法嘅年輕人,即係我啦,哈哈!有時候我哋好想融入社會,做一個大家心目中成年人嘅模樣,經過好多嘗試、迎合和適應,然後發現呢條路原來唔啱自己,倒不如去做一個自己想做嘅成年人,從自己內心出發,並唔係社會定型嘅模樣。」 雖然拍攝場地沒空調,又熱又焗,Cloud穿著毛衣拍攝都毫無怨言,令人佩服。作為「MV初哥」,首次與其他演員做對手戲,她顯得特別緊張,頻頻NG。她說:「我第一次拍MV被咁好多人望住, 好緊張,點知仲要NG,真係好尷尬。但佢哋真係好好,無怪我,而且每位都好專業,我有靜靜雞偷師!」她還表示首次由主意到和音都一手包辦,很特別的經驗。她說:「好開心今次同Carl叔叔(監製王雙駿)合作,佢同我分享咗好多有關呢首歌嘅諗法,同埋編曲技巧,我學到好多嘢。作曲人吳林峰係識咗好耐嘅朋友。填詞人鍾說,好鍾意佢寫嘅詞,一直都好想有音樂上合作,巧合地當Carl叔叔一聽到今次首歌嘅Demo,就話搵鍾說填詞,同我心諗嘅一樣,所以特別開心。」 ========================== HONG KONG SINGER CHANNEL 💛唱出心聲💛活出生趣💛音樂|生活|電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#到了那裏就對吧#cloud#雲浩影 Cloud Wan 雲浩影 迷雲黨•雲浩影 迷雲黨 Cloudaholic

0 views0 comments