Search

陳柏宇 X Serrini|網絡安全隱患|Channel新歌推介


陳柏宇與Serrini兩位歌路截然不同的歌手首度合作,拍攝Serrini作品《網絡安全隱患》合唱版,真係估佢哋唔到!二人興之所致,打算日後若有機會再度合作,就會一同灌錄兒歌!

Jason近期走感性情歌路線,Serrini的曲風則調皮搞鬼,估不到首度合作,二人已拍出超級默契,Jason大讚今次合作好玩,更說:「一齊合作,要做就做啲好唔同嘅嘢,《網絡安全隱患》呢首歌唔似一般ballad曲式,只能做到好簡潔或者好華麗,唱返差不多嘅版本。」Serrini也大表認同,並表示:「如果唱ballad,我哋就要跳舞㗎喇!」Jason也即時附和點頭,說:「或者拍個有愛情故事元素嘅MV。」

經過這次合作,Serrini發現Jason原來是冷面笑匠,她笑說:「鏡頭前佢好老正好專業,鏡頭後其實係佢自己建議要一本正經去演繹呢首歌,哈!」過去曾自封「indie界一姐」的Serrini,更即興想到二人可組成組合「茵宇のSing」,日後再次合作,更可一起創作兒歌,送給Jason的女兒Abigail。Jason聽罷Serrini的提議,即說愛女最愛跳舞及愛跟歌詞內容做動作,Serrini即認真道:「例如:記住急就要去廁所?」

Jason想不到Serrini竟這麼諗頭,也不禁大讚「Very Nice」!遇上這麼有趣的Serrini,他也忽發奇想,假如女兒會如Serrini一樣這麼多鬼主意就很好。Jason解釋道:「創意係冇得學,所以天生有係好事。我個女已經好有創意,尤其是要求你俾嘢佢時,佢嘅創意係會無限發揮。」

陳柏宇 x Serrini《網絡安全隱患》將會在2月19日在所有音樂平台推出,短版先導MV 剛發放,完整版MV 將會在2月10日於MOOV 官方社交平台 FB 及IG 專頁發佈。

編輯:安迪

0 views0 comments