Search

鄧麗欣 Stephy💕|著地|Channel新歌推介😇

鄧麗欣 Stephy💕|著地|Channel新歌推介😇 🌟



ViuTV電視劇《男排女將》即將播映,有份主演的Stephy鄧麗欣為劇集獻唱主題曲《著地》並親自填詞,更邀請到Paul黃貫中作曲及監製。Stephy 表示《著地》是充滿陽光氣息的勵志歌,她表示:「劇集主題係講排球,排球成日有一句說話係『球不著地,永不放棄』,所以副歌都有講到千祈唔好畀個波跌落地,就算跌咗都唔緊要,喺邊到跌低就喺邊個企返起身。」💪🏻

對於今次首次合作,Stephy 坦言事前十分緊張:「第一天知道要同Paul合作已經好緊張,仲要我自己寫詞,好驚畀佢Ban我啲詞。中間我哋都有溝通過首歌要點唱,過程中我都好驚自己用詞不當,唔識用音樂語言同佢溝通。」怎料Paul大唱反調笑言:「唔好講到我好惡咁喎,哈哈。我記得我有問過Stephy『呢兩個字係咪差少少音?』,點知佢話『冇呀,我唔覺喎』。佢一啲都唔驚我,有時會同我爭論吓,有交流先好呀,唔係我話乜就乜。」☺️

Paul亦大讚 Stephy 專業,錄音進度比原定預計時間更快完成:「證明掂先會早收工,Stephy比我想像中好好多,我冇必要擦鞋,真說話嚟,佢好舒服地錄晒成首歌,冇需要逐句逐句錄。」已有七年未有填詞的 Stephy,今次為新歌《著地》再度「出山」,她說:「其實都有考慮過好唔好自己寫詞,最後因為自己係套電視劇嘅主角,冇人比我更了解個角色,尤其係排球題材,我覺得自己寫返份詞最合適。同埋主要係因為冇錢搵填詞人,幫公司慳返筆錢。」

提到受疫情影響,Stephy經常「Work from Home」,在家中有更多時間創作音樂。她說:「因為疫情多咗時間喺屋企,睇多咗書,靈感都會多啲,好似呢首歌詞只係用咗一晚時間就寫到。另外自己都開始練返好耐冇彈嘅鋼琴,都試緊作曲,但只係有節奏喺個心到,未將佢哋拼接埋一齊。」在錄音工作接近尾聲時,Paul的愛妻朱茵親臨現場探班,大讚Stephy唱功了得,在旁的Paul霸氣撒嬌笑說:「我呢?讚埋我啦!」

編輯:安迪

0 views0 comments