Search

洪嘉豪KaHo x 張天賦MC|半天空檔 Good Times 表情符號 Loser|Channel音樂

洪嘉豪KaHo x 張天賦MC|半天空檔 Good Times 表情符號 Loser|Channel音樂


《我是現場》音樂會003將由首次舉行演唱會的洪嘉豪(Kaho)及MC張天賦接棒,舉行一夜限定紅館式四面台音樂會。昨晚二人首度開唱,心情興奮,Kaho期間真情流露喊過不停,而MC則刻意挑戰多首高難度歌曲,表現揮灑自如。二人的精彩演出,為《我是現場》音樂會003帶來了溫馨又震撼的Live Moments。

入行前已是好友的Kaho與MC在開場時便合體演繹了〈半天空檔〉、〈Good Time〉、〈表情符號〉及〈Loser〉4首作品,二人邊唱邊玩的互動,令現場氣氛份外熾熱,之後MC分享了首次開Show便得到紅館式四面台的興奮心情,說:「原來個感覺同Rehearsal(綵排)時係兩樣嘢嚟!但面對四面台,完全唔知自己望緊邊,啱啱仲有少少暈。」此時MC見到媽咪即向對方打招呼,Kaho也即時向MC笠高帽,道:「Auntie你個仔好乖呀!知書識禮,平時又孝順。」此舉氹得MC即時開懷大笑。

昨晚《我是現場》音樂會003有多個二人合唱的部份,但亦不乏Kaho與MC的個人表演,其中Kaho大Show琴技,邊彈鋼琴邊唱歌時令台下觀眾頻頻大嗌「好靚仔!」不過Kaho獨個站在台上時,卻道出心底話:「我係一個冇乜自信心嘅人,但呢種感覺唔係無中生有。個零月前睇到一篇關於我參與過嘅一個活動嘅報道,當中提及出席嘅藝人,但佢提及所有人就係冇提到我,我嗰刻覺得自己係咪咁緲小呢?自己係咪咁冇存在價值呢?咁諗就令自信心低,跟住自信心繼續差落去,呢啲事情發生咗好多次,但係原來呢幾年我搵唔到存在價值嘅時候,你哋搵到。」此時台下粉絲都紛紛大嗌「加油!」兼歡呼,而Kaho此時已忍不住哭起來,而且更一度泣不成聲。定過神來,Kaho續道:「原來喺我覺得自己好緲小嘅時候,你哋可能會覺得我係你哋嘅唯一,我真係好多謝你哋!你哋唔會明我幾多謝你哋陪我行咗咁多年,但我都想同你哋繼續一路成長,好多謝你哋將心入面嘅主角光環戴喺我身上。」Kaho心情久久未能平伏,即使接著唱起新歌〈主角光環〉,還是邊哭邊唱,但粉絲們揮動著燈牌與Pong Pong棒跟著合唱,及後MC上台說看到這幕甚為心痛,都為《我是現場》音樂會003製造了最溫馨感人的畫面。

至於MC在他的Solo部份,則選擇挑戰多首高難度作品,其中包括昔日在《全民造星2》同組的Jer@MIRROR〈狂人日記〉,以及太陽@BIGBANG〈Eyes, Nose, Lips〉。在唱出〈狂人日記〉時,MC遊刃有餘的演出,令粉絲嗌爆全場,不過MC表示:「呢首歌都真係幾狂人!」至於演繹韓文歌〈Eyes, Nose, Lips〉,MC坦言自己完全不懂韓文,他說道:「學嘅過程好辛苦,我真係逐粒字死記,要多謝我嘅Stylist(造型師),我每日綵排完就搵佢逐粒字教我點讀,我就逐個字去練。」不過他的演唱震撼全場,粉絲如雷貫耳的掌聲,就知道MC苦練的成果,已經合格有餘。

==========================

HONG KONG SINGER CHANNEL

💛唱出心聲💛活出生趣💛音樂|生活|電影💛

Follow我哋👇🏻👇🏻🥰🥰

▶️Facebook: Hong Kong Singer Channel

▶️Youtube: hksingerchannel

▶️Website: www.hksingerchannel

▶️Instagram: hkscchannel

#hksingerchannel #hongkonsingerchannel #香港歌手 #hksinger #hksinging #hkscchannel #歌手 #hkig

0 views0 comments