洪嘉豪首次開個唱😎獲衛蘭及陳蕾力撐❤️還有影帝張家輝支持⭐️⭐️｜Channel音樂

洪嘉豪首次開個唱😎獲衛蘭及陳蕾力撐❤️還有影帝張家輝支持⭐️⭐️｜Channel音樂 洪嘉豪 (Kaho) 首個個人演唱會「The Cycle of…Kaho Hung Live 2022」昨晚在安盛竹翠公園舉行。Kaho以《我懂》揭開序幕，配以雪景非常浪漫，隨後跳唱出《表情符號》及自彈自唱《好奇殺死愛》，全場橙海熒光棒非常熱烈。昨晚他請來了兩位嘉賓，二人都是在他的音樂路上非常重要的人。 第一位嘉賓是好朋友陳蕾，兩人合唱《救》之後，Kaho表示：「我剛刻意不唔同你對望，我好驚笑左....」陳蕾反駁：「車，我ready晒你拖我手，點知你又唔拖，講起自己都想笑。哈哈。」Kaho話自己首次個人演唱會，好希望請到出道四年以來最重要的歌手朋友：「陳蕾你不單止重要，你係我 best friend，又係院友心目中最喜愛女歌手！好多謝你這些年來都肯聽我講心事，你知啦，我雖然有班兄弟，但係佢地係唔會明，所以我開心唔開心都同你講....」 陳蕾答道：「其實你有冇發現，我有時只係扮聽得明？哈哈....我知道佢最近壓力大，所以我寫左千字文鼓勵下，點知佢只係回覆: 收到明天見。」Kaho說：「下，邊度係千字文，你得個五，六句之嘛！但係呢幾個月真係好辛苦，所以咁囉... 總之！多謝你啦。」 陳蕾透露寫了千字文給Kaho，並硬咽表示得知他這四年很不容易，直言他是值得大家支持：「頭先成個後台冇晒人，大家都好想見證佢成功開個人演唱會，好戥你開心。放心，有好多人都好愛你…身邊男女老少都好鍾意呢個男仔，佢嘅努力有咁多人見到，唔知點解佢要冇信心，入座率話咗畀佢知。」然後她再唱出《相信一切是最好的安排》。 第二位嘉賓是衛蘭，二人合唱嘉豪作曲的《別放手》。這首Demo後來成為了Janice的《面對》，也因為這首歌促使華納與Kaho簽約。Kaho感激Janice給了自己很多機會：「全部都係你畀我，去到邊都帶住我。」然後又狂講大堆英文：「Don't make me cry，I love you....」引得Jancie及現場觀眾大笑！ 此外，有「華納張家輝」之稱的Kaho，這次更獲張家輝拍片祝賀開Show。張家輝說：「嘉豪，聽講你開騷啦喎，喺度祝你有個Good Show先，我亦都代阿化骨龍一齊祝你有一個圓滿嘅演出、順順利利，恭喜恭喜」。之前全不知情的Kaho 一見家輝個樣出現營光幕，即跪在地上驚呼：「好勁呀呢個！」開心到飛起。演唱會尾聲，在觀眾瘋狂叫「除衫」的情況下，Kaho順應民意掀高上衣曬肌，全場High爆，再以《逆時車站》作結，演唱會在晚上11時圓滿落幕。 騷後Kaho接受訪問，他表示這個月來又拍戲又排演唱會、練結他，排舞唱歌背日文真的壓力很大，又不可以亂食嘢發洩。結果有晚收工回家，自己在電梯裡面開始喊，回到家要係門口喊了一分鐘，抹乾眼淚才敢入屋，怕媽咪見到。不過今晚順利演出成功，所有眼淚都值回票價。他坦言，唱頭幾首歌非常緊張，之後就開始放鬆，享受自己第一次的舞台。 唱到《主角光環》，Kaho都有眼濕濕：「係呀，我死忍。喊咗少少.....因為覺得咁開心日子，其實唔應該喊。我整條片出來，出哂院友公司同事D樣，其實係想搞喊佢地，唔係搞喊自己嘛。」最後問到他，張敬軒會不會來睇？Kaho笑道：「佢全晚都同我一齊啦，我用佢送比我枝靚咪，我覺得人生第一次演唱會，點都要用足全場，支咪又靚又襯到衫，而且功能極佳，我唔駛好用力唱已好好聲添，真係要多謝軒仔。佢會唔會來今晚答大家啦！」 Kaho希望今晚觀眾可以提早少少入場，因為Encore部分他準備了很多歌，但是頭場觀眾入場太慢，所以演唱會遲開，現場規定只可唱到11 時，不能加時，所以昨晚就沒有Encore太多，今晚最後一晚希望大家真係早少少排隊入場呀！」 編輯：Andy ========================== 🎤HONG KONG SINGER CHANNEL🎤 💛讓每一個人唱出心聲💛Let Everyone Sing From Their Heart💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkongsingerchannel#香港歌手#hksinger#hksinging#洪嘉豪#衛蘭#陳蕾#張家輝 Hung KAHO 洪嘉豪 Janice Vidal 衛蘭 Janice Forum 衛蘭論壇 Janice Vidal Planetary 衛蘭天地 陳蕾 Panther Chan 陳蕾 Panther Chan - 獵豹會 張家輝 Nickcafe