Search

泳兒Vincy|出碟首日即巡舖粉絲即場買一箱|Channel音樂


泳兒昨天推出大碟《Dark Light Of The Soul》(《花開溝渠、葉落冰川》),Vincy親身走進旺角鬧市的多間實體唱片店,答謝歌迷及唱片店支持。 鑒於疫情關係,未能舉行實體簽名會,於是Vincy便進行這個「快閃簽名會」,一口氣走勻旺角六間唱片店,實行以「遊擊戰術」為歌迷製造驚喜。她表示:「好有busking嘅感覺,希望疫情快啲過去,喺不久嘅將來真係有一個正式嘅簽名會,當然亦都希望有演唱會。但係簽咗嘅朋友都唔緊要,你可以買多隻,到時我再簽俾你哋。」 相隔九年再推出大碟,再加上疫情關係,Vincy坦言已很久沒有到過信和:「今日好開心,係出碟嘅日子,見證住親手賣出自己嘅唱片,覺得呢種感覺好好。」簽碟期間,Vincy遇上不少買碟的樂迷,差不多每個樂迷都買二至三張唱片,其中一位女士更豪氣地買了一箱,使Vincy十分難忘! Vincy說:「頭先有位女士買咗一箱碟,好開心呀!簽名時一下簽哂個感覺好治癒,亦都好多謝佢。佢話係幫一啲舊fans買,我都好希望見吓啲舊fans,都好掛住你哋,希望遲啲有啲聚會,可以見面。」除此之外,更有兩位小歌迷由爸爸帶着到唱片店買碟:「今日都見到兩位小朋友fans,佢哋除咗買碟,仲送咗幅佢自己畫嘅畫俾我,畫入面全部都係我呢三年嚟暗黑風嘅造型,真係好窩心。」 最後Vincy多謝歌迷之餘,亦不遺餘力地sell碟:「隻碟係好值得收藏,因為隻碟比較難開呀,有時會開爛,我自己都開爛過兩隻,所以大家可以買一隻聽、一隻收藏,絕對係好扺嘅,哈哈。」 編輯: Andy ========================== HONG KONG SINGER CHANNEL 💛唱出心聲💛活出生趣💛音樂|生活|電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#泳兒#vincy 泳兒 Vincy

1 view0 comments