Search

林明禎擔任張敬軒演唱會嘉賓合唱只是太愛你》|Channel音樂


林明禎擔任張敬軒演唱會嘉賓合唱只是太愛你》|Channel音樂 因疫情暫停的「張敬軒THE NEXT 20 演唱會」,昨晚重新啟動。軒仔一開場已向觀眾作出承諾,每晚都當尾場做,除了自己做足一百分,昨晚更打孖上請來兩位嘉賓 : 陳柏宇及大馬女神林明禎,可謂盡享舞台上的「齊人之福」,場面熱鬧非常。唱到完場觀眾都不肯離去,狂叫安歌!軒仔果真當尾場做,再度上台為觀眾獻唱,觀眾開心到飛起! 昨晚女神林明禎出場最為哄動,明禎穿上跌膊長裙一升上舞台,觀眾即嘩聲四起,加上其甜到漏笑容,贏盡觀眾緣。明禎坦言好緊張,對軒仔笑著說:「我真係好緊張,我何德何能站上紅館這個舞台跟你合唱?我今天第一次穿這種裙……」軒仔即回話:「我何德何能請到新一代女神同我合唱就真!你今晚靚到...美人魚咁呀...」明禎就甜笑答:「今日我係最幸福女子。」 接著明禎向軒仔表示,經常見他IG都是吃白麵包,營養不良,所以特別從馬來西亞帶了禮物給他,並拿出貓山王榴槤一個:「你早餐可以食麵包加榴槤啦,咁先夠營養。」軒仔反問:「我平日買的都是已經打開了的榴槤,你咁樣俾我,我唔知點開喎。」女神馬上發功:「我可以去幫你開呀,你打電話俾我,或者text我....」 軒仔向觀眾說:「你地有冇發覺,佢唔知點解對眼長期水汪汪。唔怪得比網友封女神......有冇cam可以影吓佢對眼比大家睇吓?」女神就乖巧回話: 「我係見到你才會這樣....」搞到軒仔為之語塞,觀眾大笑。繼而兩人合唱《只是太愛你》。 ========================== HONG KONG SINGER CHANNEL 💛唱出心聲💛活出生趣💛音樂|生活|電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#張敬軒#陳柏宇#林明禎

0 views0 comments