吳浩康郭思琳婚禮山邊執樹枝裝飾 疫情影響物流｜Channel生活

吳浩康郭思琳婚禮山邊執樹枝裝飾 疫情影響物流｜Channel生活

吳浩康（Deep）與郭思琳（Margiela）日前宣佈結婚， Deep表示婚禮前兩晚已經緊張到睡不着，向來眼淺的他更在綵排時已經哭出來，「自己朝早起身去睇set up，企喺度諗要講啲乜嘢？有邊個會嚟？要多謝邊一位？瞓唔到，兩日都五點幾、六點就醒咗，所以都幾攰同幾緊張。朝早自己演練嘅時候已經喊咗。」 Deep又大讚老婆郭思琳性格及孝心，「我鍾意我太太係一個好率直、好簡單嘅人，有乜就講乜，同佢相處唔駛估，係好嚮往同佢相處。佢唔止對父母好上心、好愛錫，對其他屋企人都好關心好照顧，好欣賞佢對家庭呢個態度。」問到俾太太多少分？Deep笑言剛學會新婚的第一課，「嘩！俾太太幾多分都唔夠喎，唔可以亂咁俾分，呢個係我啱啱新婚學識嘅事，所以太太一定係超過滿分㗎啦。」升為新婚「人夫」，Deep坦言心態要再重新調整自己，很多事情需要重新學習，「無論係相處、對事件嘅睇法、價值觀都唔同咗，所以而家變得謙卑咗。過往當大家溝通有問題嘅時候，會覺得，『喂！你唔明白我。』、『我係啱嘅。』、『我識呢件事，你應該要聽我講。』而家會調番轉，『可能有啲嘢我唔知呢。』、『可能我未識呢。』、『可能我唔了解呢。』我都需要重新去學過，希望可以幫到個關係。」 ========================== HONG KONG SINGER CHANNEL 💛唱出心聲💛活出生趣💛音樂｜生活｜電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#吳浩康#郭思琳#婚禮