「RE: GRASSHOPPER CONCERT 草蜢演唱會2022」明天公開售票｜Channel音樂

「RE: GRASSHOPPER CONCERT 草蜢演唱會2022」明天公開售票｜Channel音樂 草蜢演唱會海報玩剪影 十月紅館 揭開神秘面紗 相隔五年，草蜢再踏紅館，今年10月26日起舉行一連四場「RE: GRASSHOPPER CONCERT 草蜢演唱會2022」 ，門票明天（8號）早上十時起城市售票網公開發售。演唱會海報終於曝光，令人非常驚訝，過往他們的演唱會海報都是三個大頭靚仔樣，簡潔又直接。但今次設計，完全顛覆草蜢的傳統，剪影般的映像，要細心看才看見他們的靚仔樣，原來一切都是設計總監朱祖兒的心思。 草蜢與星級創意大師朱祖兒合作無間，多年來演唱會海報都由他操刀，今次亦不例外，這大膽設計源於「草蜢」這兩個字。阿智說：「朱祖兒話一提到『草蜢』，個腦就會Recall好多舞台表演、跳舞、唱歌嘅畫面，唔使真係見到我哋個樣，所以今次用呢個手法就係保留思考空間。」蘇志威笑說：「今次要摒棄我個靚仔樣⋯⋯」傑仔強調：「其實細心留意係見到少少，只係唔係咁清楚啫！」阿智續說：「好有神秘感，見到少少，好似新娘嘅頭紗，到開騷嗰日就會揭開畀大家驚喜。」 阿智表示今次海報重點是草蜢的神髓，雖然近乎剪影的頭像，但仍可以清楚分得出他們。他又說：「唔少Fans反映話今次張海報好特別，所以我哋諗住演唱會期間，搞個PopUp Store，除咗設計不同紀念品，仲會整大型紙牌海報畀Fans影相留念，希望帶畀大家快樂嘅回憶。」 這幾年沒有開騷，草蜢笑言轉行做運動員，不時在IG公開跑步和健身的生活片。阿智笑說：「呢幾年我哋無出國，更加無去韓國，所以Fit咗靚仔咗都係因為運動多咗，準備咗咁耐終於可以上紅館騷畀大家睇，草蜢2.0 版！」會否台上騷肌？他們笑笑要賣關子。

「RE: GRASSHOPPER CONCERT 草蜢演唱會2022」

日期：2022年10月26-29日

時間：下午8時15分

地點： 紅磡體育館

票價：HK$880 / 580 / 380 門票於9月8日（星期四）上午10時起於城市售票網公開發售，顧客可同時透過以下途徑購票： * 城市售票網網頁：www.urbtix.hk * 流動應用程式My URBTIX（Android 及 iPhone版） * 信用卡電話購票：2111 5999（每日上午10時至晚上8時，包括公眾假期） 售票首天不設售票處售票。 售票首天每人每次限購最多10張門票，翌日起每人每次限購最多40張門票。

==========================

HONG KONG SINGER CHANNEL 💛唱出心聲💛活出生趣💛音樂｜生活｜電影💛 Follow我哋👇🏻👇🏻🥰🥰 ▶️Facebook: Hong Kong Singer Channel ▶️Youtube: hksingerchannel ▶️Website: www.hksingerchannel ▶️Instagram: hkscchannel #hksingerchannel#hongkonsingerchannel#香港歌手#hksinger#hksinging#hkscchannel#歌手#hkig#草蜢#GRASSHOPPER CONCERT 草蜢演唱會2022